Telebe.Biz.Ua

Leqallaşdırma (Apostil)

Thu, 01 Jan 1970 03:00:00 +0300

Leqallaşma

Azərbaycan Respublikası Nazirlər Kabinetinin 13 may 2003-cü il tarixli, 64 saylı qərarı ilə təsdiq edilmiş “Xarici dövlətlərin ali təhsil sahəsində ixtisaslarının tanınması və ekvivalentliyinin müəyyən edilməsi (nostrifikasiyası) Qaydaları”nın 2.1-ci bəndinə əsasən, tanınma üçün təqdim olunan ali təhsil haqqında sənədlər (bundan sonra – diplom və diploma əlavə), bir qayda olaraq müvafiq qaydada leqallaşdırılmalıdır.

Tanınma üçün təqdim olunan, xarici ölkələrin müvafiq rəsmi strukturları tərəfindən verilmiş diplomlar və diploma əlavələr “Xarici rəsmi sənədlərin leqallaşdırılması tələbini ləğv edən Haaqa Konvensiya"sına uyğun olaraq sənədi verən ölkənin səlahiyyətli qurumu tərəfindən “apostil” möhürü/sertifikatı ilə leqallaşdırılmalıdır.

Konvensiyanın 5-ci maddəsinə əsasən, apostil möhürü, diplom və ona əlavənin imzalamış şəxsin imzasının həqiqiliyini, onun vəzifəsini və həmin sənədə vurulmuş möhürün və ya ştampın həqiqiliyini təsdiq edir.

Konvensiyaya müvafiq əlavəyə əsasən, apostilin 2-ci bəndində diplomun və ona əlavənin imzalamış şəxsin adı və soyadı, 3-cü bəndində vəzifəsi, 4-cü bəndində isə həmin sənədə vurulmuş möhürün və ya ştampın aid olduğu müəssisənin (ali təhsil müəssisəsinin) adı qeyd olunmalıdır.

Ukrayna diplomlarinin leqallashdirmasi, Apostil, apostil nədir, apostil nedir, xaricde tehsil proqrami, xaricde oxumaq, bakalavr diplomunun tesdiqi, Ukrayna diplomlarinin taninmasi, Ukraynada tehsil al, xarici diplomlarin Azerbaycanda taninmasi, ukraynada tehsil haqqi 2019, 2019 ukranya da tehsil qiymetleri, xarkovda ali tehsil, xakrovda tehsil, xaricde tehsil proqrami, xaricde magistr tehsili, xaricde magistratura

Ukraynada təhsil Onlayndır ya Distant?

Thu, 01 Jan 1970 03:00:00 +0300

Distant təhsil və onlayn təhsil nədir? Ukraynada distant təhsildir ya onlayn?

Hal hazırda Ukraynadakı vəziyyətlə əlaqədar təhsil onlayndır.
Və tez tez verilən suallar Azərbaycanda distant təhsil tanınmır axı?
Qeyd edim ki onlayn və distant təhsil fərqli anlayışlardır!

“Distant” – təhsil birbaşa kontakt olmadan həyata keçirilir. Əksər vaxtlarda, bütün materiallar, tapşırıqlar və s. öyrənənə email və ya distant təhsil platformaları vasitəsi ilə göndərilir. Bu materiallar əsasında öyrənən fərdi şəkildə uzaqdan təhsil alır. Burada vaxt və məkan cəhətdən azadlıq var. Əksər hallarda öyrənən və öyrədən arasında yeganə əlaqə son qiymətləndirmə tapşırığını təhvil verərkən olur.

“Onlayn” - təhsil distant təhsildən fərqli olaraq “uzaqdan” keçirilmir. “Online” – ingiliscədə kompüterə və ya internetə qoşulmuş mənasını verir. Bu baxımdan deyə bilərik ki, heç də bütün distant dərslər onlayn deyil (çünki distant təhsil sadəcə məktublaşma, telefon, televiziya və s. kommunikasiya vasitələri ilə aparıla bilər) və bütün onlayn dərslər də distant deyil. Fiziki olaraq öyrənən və öyrədən uzaq olsa da, onlayn təhsil zamanı kontakt hər zaman olur və öyrənənin nailiyyətləri yaxından izlənilir. Bu baxımdan, onlayn təhsil distant təhsildən daha çox ənənəvi dərslərə oxşardır. Ənənəvi dərslər kimi, onlayn təhsil zamanı da əksər hallarda müəllimlərlə öyrənənlər onlayn canlı bağlantıda görüşür, dərs izah olunur, suallar verilə bilir və s.

Bu iki ferqli mənaları verən terminlərin izahınnan sonra keçək əsas məsələyə.
Hal hazırda qəbul və dərslər onlayn şəkildə aparılır.
Qəbul üçün bizim ofisimizdə onlayn şəkildə kamerayla Universitetin qəbul komissiyası müsahibə keçirir tələbələrlə.
Və müsahibəni keçən tələbələr universitetə qəbul olur.
Əyani oxuyan tələbələr 1-5 gün dərlərə girib onlayn şəkildə iştirak edir.
Qiyabi oxuyan tələbələr ildə iki dəfə sessiya imtahanı vaxtı imtahanlarda iştirak edir.

Qanunvericilik

Thu, 01 Jan 1970 03:00:00 +0300

XARİCİ DÖVLƏTLƏRİN ALİ TƏHSİL SAHƏSİNDƏ İXTİSASLARININ TANINMASI VƏ EKVİVALENTLİYİNİN MÜƏYYƏN EDİLMƏSİ (NOSTRİFİKASİYASI) QAYDALARI”NIN TƏSDİQ EDİLMƏSİ HAQQINDA
AZƏRBAYCAN RESPUBLİKASININ NAZİRLƏR KABİNETİNİN QƏRARI

Azərbaycan Respublikasının Nazirlər Kabineti

QƏRARLARI:

“Xarici dövlətlərin ali təhsil sahəsində ixtisaslarının tanınması və ekvivalentliyinin müəyyən edilməsi (nostrifikasiyası) Qaydaları” təsdiq edilsin (əlavə olunur)
Bu qərar imzalandığı gündən qüvvəyə minir.

A.Rasi-zadə

Azərbaycan Respublikasının

Baş naziri

Bakı şəhəri, 13 may 2003-cü il

№ 64

Xarici dövlətlərin ali təhsil sahəsində ixtisaslarının tanınması və ekvivalentliyinin müəyyən edilməsi (nostrifikasiyası) qaydaları

I. Ümumi müddəalar

1.1. Bu Qaydalar “Avropa regionunda ali təhsil sahəsində ixtisasların tanınması haqqında Konvensiyanın təsdiq edilməsi barədə” Azərbaycan Respublikası Qanununun həyata keçirilməsi ilə əlaqədar bəzi tədbirlər haqqında” Azərbaycan Respublikası Prezidentinin 2000-ci il 6 mart tarixli 346 nömrəli Sərəncamının 1-ci bəndinə əsasən hazırlanmışdır

1.2. Xarici dövlətlərin ali təhsil sahəsində ixtisaslarının tanınması dedikdə, xarici dövlətlərin səlahiyyətli orqanları tərəfindən verilmiş, ali təhsil proqramının uğurla bitirilməsini təsdiq edən, bu və ya digər dərəcə verən hər hansı sənədin, diplomun, başqa bir şəhadətnamənin Azərbaycan Respublikasının ərazisində qüvvədə olmasının təsdiqi başa düşülür.

1.3. Xarici dövlətlərin ali təhsil sahəsində ixtisaslarının ekvivalentliyinin müəyyən edilməsi xarici dövlətlərin səlahiyyətli orqanları tərəfindən bu ixtisasların alındığını təsdiq edən sənədlərin sahiblərinə Azərbaycan Respublikasında verilmiş ali təhsil haqqında sənədlərin sahiblərinin malik olduqları eyni akademik və peşə hüquqlarının verilməsi deməkdir.

1.4. Xarici dövlətlərin ali təhsil sahəsində ixtisasının tanınması və ekvivalentliyi haqqında Şəhadətnamə onun sahibinə əlavə (ikinci) ixtisas almaq, ixtisasını artırmaq, diplomdan sonrakı hazırlıq pilləsinə qəbul olunmaq, habelə müvafiq peşə fəaliyyəti göstərmək hüququ verir.

1.5. Xarici dövlətlərin ali təhsil sahəsində ixtisasının tanınması və ekvivalentliyinin müəyyən edilməsi bu ixtisasın alındığını təsdiq edən sənədlərin sahiblərini Azərbaycan Respublikasında işə qəbul zamanı bu respublikanın qanunvericiliyində müəyyən edilmiş ümumi tələbləri gözləməkdən azad etmir.

1.6. Xarici dövlətlərin ali təhsil sahəsində ixtisasının tanınması və tanınma haqqında Şəhadətnamənin verilməsi bu Qaydalar əsasında Azərbaycan Respublikasının Təhsil Nazirliyi tərəfindən həyata keçirilir.

Xarici dövlətlərin ali təhsil sahəsində ixtisaslarının ekvivalentliyinin müəyyən edilməsi haqqında Şəhadətnamə bu Qaydalarda nəzərdə tutulmuş müddəalar əsasında keçirilən ekspertizadan sonra Azərbaycan Respublikası Təhsil Nazirliyi tərəfindən verilir.

Azərbaycan Respublikasının tərəfdaş çıxdığı beynəlxalq müqavilələrdə və dövlətlərarası razılaşmalarda ekvivalentlik müəyyən edilibsə, ekvivalentlik haqqında Şəhadətnamə ekspertiza keçirilmədən verilir.

1.7. Xarici dövlətlərin ali təhsil sahəsində ixtisaslarının tanınması, ekvivalentliyinin müəyyən edilməsi və müvafiq Şəhadətnamənin verilməsi sənəd sahibinin ərizəsi və ya maraqlı olan təşkilatın, hüquqi və fiziki şəxslərin müraciəti əsasında həyata keçirilir.

II. Ali təhsil sahəsində ixtisasların tanınması prosedurunun təşkili

2.1. Ali təhsil sahəsində ixtisasın tanınması barədə müraciətə (ərizəyə) aşağıdakılar əlavə edilir

ali təhsil haqqında sənəd;

tədris olunmuş fənlər, onların həcmi, alınmış yekun qiymətlər, təcrübə, kurs və buraxılış işlərinin nəticələri və tədris prosesini təşkil edən digər göstəricilər qeyd olunmaqla ali təhsil haqqında sənədə əlavə.

Ərizəçi öz hazırlıq səviyyəsinin müvafiq peşə fəaliyyətinə icazə verməsini və praktik təcrübəsini təsdiq edən sənədlər də təqdim edə bilər.

Ali təhsil haqqında sənəd və ona əlavənin Azərbaycan dilinə tərcüməsi və notarial qaydada təsdiqi bir qayda olaraq, Azərbaycan Respublikasının ali təhsil haqqında sənəd verən ölkədəki səfirliyində (konsullugunda) və ya Azərbaycan Respublikası Xarici İşlər Nazirliyinin Konsulluq idarəsində leqallaşdırılmalıdır.

2.2. Xarici dövlətlərin ali təhsil sahəsində ixtisaslarının tanınması proseduru mövcud beynəlxalq sazişlər və tövsiyələr, təhsilin dövlət standartları və Azərbaycan Respublikasının təhsil sistemini tənzimləyən normativ hüquqi aktlar əsasında aparılır.

2.3. Ali təhsil sahəsində ixtisasların tanınması üçün aşağıdakıların olması zəruridir:

ali təhsil haqqında sənədin onun verildiyi ölkədə tanınması;

təhsil sahəsində ixtisasların tanınmasının Azərbaycan Respublikasının beynəlxalq müqavilələrində nəzərdə tutulması.
2.4. Ərizəçi tərəfindən təqdim olunan sənədlərə bir qayda olaraq, bütün lazımi sənədlər təqdim olunduğu gündən başlayaraq 1 ay müddətində baxılır.

2.5. Ali təhsil sahəsində ixtisasın tanınmasından imtina olunduğu halda, imtinaya əsas olan səbəblər yazılı şəkildə ərizəçiyə izah edilir.

III. Ali təhsil sahəsində ixtisasların ekvivalentliyinin müəyyənləşdirilməsi

3.1. Ali təhsil sahəsində ixtisasların ekvivalentliyinin müəyyən olunması üçün bu Qaydaların 2.1-ci bəndində göstərilmiş sənədlər tələb olunur.

3.2. Ali təhsil sahəsində ixtisasların ekvivalentliyinin müəyyən olunması aşağıdakı qaydada keçirilir:

ekspertiza – xarici ölkələrin verdiyi ali təhsil sahəsində ixtisasların tanınması və xarici dövlətdə alınmış təhsilin Azərbaycan Respublikasında qüvvədə olan təhsil standartlarına uyğunluğunun müəyyən edilməsi;

xarici ölkələrdə alınmış təhsilin məzmununun Azərbaycan Respublikasında təhsilin dövlət standartlarına uyğunluğunun müəyyənləşdirilməsi (xarici dövlətin təhsil sahəsində ixtisasının tanınmasından sonra).

3.3. Təhsilin məzmunun dövlət standartlarına uyğunluğunun müəyyənləşdirilməsi məqsədilə Azərbaycan Respublikası Təhsil Nazirliyinin elmi-metodiki bölmələri və təhsil sisteminin yüksək ixtisaslı mütəxəssislərindən ibarət ekspert qrupu yaradılır.

3.4. Ekspertiza zamanı aşağıdakılar nəzərə alınır:

tədris planının və proqramlarının məzmunu;

attestasiya sistemləri;

öyrənilmiş fənlərin həcmi;

fənlər üzrə attestasiyanın nəticələri; istehsalat təcrübəsi və onun müddəti; yekun attestasiyanın nəticəsi.

3.5. Xarici ölkələrdə alınmış təhsilin məzmununun Azərbaycan Respublikasında təhsilin dövlət standartlarına uyğun olması və aşkar olunan uyğunsuzluğun aradan qaldırılmasının mümkün üsulları haqqında ekspert rəyi Azərbaycan Respublikasının Təhsil Nazirliyinə təqdim olunur. Ərizəçinin ekspertiza materialları ilə tanış olmaq hüququ vardır.

3.6. Ekvivalentlik haqqında Şəhadətnamə aşağıdakılara əsasən verilir: təhsil sahəsində ixtisasın tanınması barədə müsbət rəy; təhsilin məzmununun uyğunluğu haqqında müsbət ekspert rəyi; Azərbaycan Respublikasının müvafiq sahə üzrə tərəfdar çıxdığı beynəlxalq müqavilələr, eyni zamanda sənədi verən ölkədə və Azərbaycan Respublikasında təhsilin müvafiq strukturlarına qoyulan tələblərin uyğunluğu.

3.7. 3.6-cı bənddə göstərilən əsasların biri üzrə mənfi rəy ekvivalentlik haqqında Şəhadətnamənin verilməsinə imtina etmək üçün səbəb ola bilər. Mənfi rəy aşağıdakı hallarda verilə bilər: xarici dövlətdə ali təhsil sahəsində ixtisas almaq üçün ümumi normativ müddəti Azərbaycan Respublikasında təhsilin dövlət standartlarında nəzərdə tutulduğundan bir il az olduqda; təhsil haqqında sənədin verildiyi ölkədə onların sahiblərinə həmin sənədin verdiyi hüquqlar Azərbaycan Respublikasında müvafiq sənədin verdiyi hüquqlardan az olduqda (məsələn, onların sahiblərinin doktoranturaya daxil olmaq və ya peşə fəaliyyəti ilə məşğul olmaq hüququ yoxdursa); xarici ölkələrdə verilən təhsil istiqamətlər (ixtisaslar) üzrə qiyabi və əyani-qiyabi olduqda, lakin Azərbaycan Respublikasında hamin istiqamət (ixtisas) üzrə belə təhsil formasına yol verilmədikdə.

3.8. Tanınmaq və ekvivalentlik haqqında Şəhadətnamə almaq üçün təqdim olunmuş ixtisasla Azərbaycan Respublikasında qüvvədə olan mütəxəssis hazırlığının məzmununa və səviyyəsinə qoyulan məcburi minimum tələblər arasında müəyyən fərqlər yarandığı və ya hazırlıq sahəsi Azərbaycan Respublikasında qəbul edilmiş ali ixtisas təhsilinin istiqamətlərinin və ixtisaslarının siyahısına uyğun gəlmədiyi halda sınaq yoxlamaları da aparılır. Zəruri olduğu halda və özünün istəyi əsasında ərizəçi sınaq yoxlamaları verəcəyi fənlər üzrə ali məktəblərdə mühazirələrdə iştirak edir.

IV. Rəsmiləşdirmə

4.1. Xarici dövlətin ali təhsil sahəsində ixtisasının tanınması və ekvivalentlik haqqında Şəhadətnamə Azərbaycan Respublikasının təhsil naziri tərəfindən imzalanır, nazirliyin gerbli möhürü ilə təsdiq edilir, ərizəçiyə və ya onu müvafiq qaydada rəsmi təmsil edən şəxsə verilir, yaxud da bildirişli poçtla göndərilir (1 və ya 2 nömrəli əlavələr). 4.2. Tanınmadan və ekvivalentlik haqqında Şəhadətnamə verilməsindən imtina olunması səbəbləri müraciət edəni qane etməzsə, o, müvafiq qaydada şikayət edə bilər. “Xarici dövlətlərin ali təhsil sahəsində ixtisaslarının tanınması və ekvivalentliyinin müəyyən edilməsi (nostrifikasiyası) Qaydaları”na 1 nömrəli əlavə Azərbaycan Respublikası Təhsil Nazirliyinin 2003-cü il _____ tarixli ___ nömrəli əmrinə 1 nömrəli əlavə Azərbaycan Respublikasının Təhsil Nazirliyi Bakı şəhəri _______il ŞƏHADƏTNAMƏ (təhsil haqqında sənədin əsli və notarius tərəfindən təsdiq edilmiş tərcüməsi ilə birlikdə qüvvədədir) Bununla təsdiq edilir ki, _______________________________________ (soyadı, adı, atasının adı) ___________________ adına ___________________________________ (verildiyi tarix) (təhsil haqqında ___________________________________________________________ sənədi vermiş müəssisənin adi) verilmiş ali təhsil haqqında _____________________________________ (sənədin adı, seriyası və nömrəsi) Azərbaycan Respublikasında __________________ ixtisas / istiqamət üzrə _________________________ ixtisas dərəcəsi verilən diploma ekvivalentdir (bərabərdir). NAZİR M.Y. Qeydiyyat nömrəsi _______ “Xarici dövlətlərin ali təhsil sahəsində ixtisaslarının tanınması və ekvivalentliyinin müəyyən edilməsi (nostrifikasiyası) Qaydaları”na 2 nömrəli əlavə Azərbaycan Respublikası Təhsil Nazirliyinin 2003-cü il _____ tarixli ___ nömrəli əmrinə 2 nömrəli əlavə Azərbaycan Respublikasının Təhsil Nazirliyi Bakı şəhəri _______il ŞƏHADƏTNAMƏ (təhsil haqqında sənədin əsli və notarius tərəfindən təsdiq edilmiş tərcüməsi ilə birlikdə qüvvədədir) Bununla təsdiq edilir ki, _______________________________________ (soyadı, adı, atasının adı) ___________________ adına ___________________________________ (verildiyi tarix) (təhsil haqqında ___________________________________________________________ sənədi vermiş müəssisənin adi) verilmiş ali təhsil haqqında _____________________________________ (sənədin adı, seriyası və nömrəsi) Azərbaycan Respublikasında tanınmışdır və onun sahibinə keçilmiş fənlərin müvəffəqiyyətlə verilməsi nəzərə alınaraq təhsilin növbəti pilləsinə qəbul olunmaq hüququ verir.

NAZİR M.Y.

Qeydiyyat nömrəsi

Azərbaycan Respublikası Prezidentinin 1 mart 2005-ci il tarixli, 203 nömrəli fərmanı ilə təsdiq edilmiş “Azərbaycan Respublikasının Təhsil Nazirliyi haqqında Əsasnamə”nin 8.27-ci maddəsinə əsasən Təhsil Nazirliyi xarici ölkələrin yalnız ali təhsil sahəsində ixtisaslarının tanınmasını və ekvivalentliyinin müəyyən edilməsini (nostrifikasiya) həyata keçirir.

Bakalavr diplomunun təsdiqi

Thu, 01 Jan 1970 03:00:00 +0300

Bakalavriat səviyyəsi üzrə tələb olunan sənədlər:

- ali təhsil haqqında sənədin (diplomun) leqallaşdırılmış əsli (rəngli şəkildə);

- ali təhsil haqqında sənədə əlavənin (diplom əlavəsinin) leqallaşdırılmış əsli (rəngli şəkildə);

- ali təhsil haqqında sənədin (diplomun) leqallaşdırılmış əslinin notariat qaydada təsdiq olunmuş Azərbaycan dilinə tərcüməsi (rəngli şəkildə);

- ali təhsil haqqında sənədin (diploma əlavənin) leqallaşdıırlmış əslinin rəngli şəkildə notariat qaydada təsdiq olunmuş Azərbaycan dilində tərcüməsi (rəngli şəkildə);

- şəxsiyyət vəsiqəsi / xarici ölkə vətəndaşlarının daimi/müvəqqəti yaşama icazəsi

- ümumvətəndaş (xarici) pasportunun(larının) şəkil olan və sərhədkeçməni (giriş çıxış) bildirən bütün möhürlü səhifələri;

- hərbi biletin və ya hərbi xidmətinin qeydiyyatı haqqında arayış;

- köçürülmə olduğu halda - tədris müddətində müəssisələrarası/müəssisədaxili köçürülməya dair rəsmi arayış;

- bakalavriat səviyyəsinə orta ixtisas təhsili haqqında diplom (kollec və sair) əsasında qəbul olunduğu halda – həmin diplom.

xaricde tehsil proqrami, xaricde oxumaq, bakalavr diplomunun tesdiqi, Ukrayna diplomlarinin taninmasi, Ukraynada tehsil al, ukraynada tehsil haqqi 2019, 2019 ukranya da tehsil qiymetleri, xarkovda ali tehsil, xakrovda tehsil, xaricde tehsil proqrami, xaricde magistr tehsili, xaricde magistratura

Magistratura diplomunun təsdiqi

Thu, 01 Jan 1970 03:00:00 +0300

Magistratura səviyyəsi üzrə tələb olunan sənədlər:

- ali təhsil haqqında sənədin (diplomun) leqallaşdırılmış əsli (rəngli şəkildə);

- ali təhsil haqqında sənədə əlavənin (diplom əlavəsinin) leqallaşdırılmış əsli (rəngli şəkildə);

- ali təhsil haqqında sənədin (diplomun) leqallaşdırılmış əslinin notariat qaydada təsdiq olunmuş Azərbaycan dilinə tərcüməsi (rəngli şəkildə);

- ali təhsil haqqında sənədin (diploma əlavənin) leqallaşdıırlmış əslinin rəngli şəkildə notariat qaydada təsdiq olunmuş Azərbaycan dilində tərcüməsi (rəngli şəkildə);

- bakalavriat səviyyəsi üzrə ali təhsil haqqında diplom (bakalavr diplomu xarici ali təhsil müəssisəsi tərəfindən verildikdə, ilk öncə həmin diplom nostrifikasiya olunmalıdır)

- şəxsiyyət vəsiqəsi / xarici ölkə vətəndaşlarının daimi/müvəqqəti yaşama icazəsi;

- ümumvətəndaş (xarici) pasportunun(larının) şəkil olan və sərhədkeçməni (giriş/çıxış) bildirən bütün möhürlü səhifələri;

- hərbi biletin və ya hərbi xidmətinin qeydiyyatı haqqında arayış;

- köçürülmə olduğu halda - tədris müddətində müəssisələrarası/müəssisədaxili köçürülməya dair rəsmi arayış.

Bakalavriat üzrə Dövlət proqramı

Thu, 01 Jan 1970 03:00:00 +0300

Dövlət Proqramı dəstəyi ilə xaricdə təhsil almağa göstərdiyiniz marağa görə sizə təşəkkür edirik. Dövlət Proqramı çərçivəsində bakalavr təhsilinizin maliyyələşdirilməsi üçün seçim meyarları ilə tanış olmağınızı xahiş edirik.

Diqqət! Yalnız xarici ali təhsil müəssisəsindən qəbul məktubu aldıqdan sonra Dövlət Proqramında iddiaçı şəklində iştirak edə bilərsiniz!

Dövlət Proqramı təqaüdçüləri bakalavr pilləsi üzrə 29, magistratura, doktorantura və rezidentura pillələri üzrə 35 yaşınadək olan Azərbaycan vətəndaşları sırasından seçilir.
Dövlət Proqramı təqaüdçüləri müraciət etdikləri təhsil səviyyəsi üzrə daha öncə Azərbaycanda dövlət sifarişi əsasında və ya Proqram çərçivəsində xaricdə təhsilini başa vurmamış iddiaçılar sırasından seçilir.
Dövlət Proqramı təqaüdçüləri Azərbaycan gənclərinin 2015/2016-cı tədris ilində xaricdə təhsil almaları məqsədilə seçilmiş ali təhsil müəssisəsələrinin birindən qəbul məktubu almış və ya hazırda təhsil alan iddiaçılar sırasından seçilir.
Dövlət Proqramı təqaüdçüləri yalnız prioritet ixtisas istiqamətləri üzrə müraciət edən iddiaçılar sırasından seçilir.
Bakalavriat səviyyəsinin birinci ili üzrə xaricdə təhsil almaq arzusunda olan gənclərin, Seçim Qaydalarının 2.1.4-cü bəndinə uyğun olaraq, ölkədə ali təhsil müəssisələrinə qəbul üçün keçirilən imtahanlarda (TQDK) iştirak etdikləri halda, texniki sahələr üzrə 550-dən, digər sahələr üzrə 600-dən yuxarı bal toplamış olarsa, sənədləri müsabiqədə iştirak üçün qəbul ediləcəkdir.
Artıq xaricdə təhsil alan iddiaçıların, Seçim Qaydalarının 2.1.6-cı bəndinə uyğun olaraq, təhsil aldıqları xarici ali təhsil müəssisəsində cari müvəffəqiyyət dərəcəsinin orta balı 5 ballıq sistem üzrə 4 bal və ya bundan yuxarı olduğu (və ya təhsil aldığı ali təhsil müəssisəsində tətbiq edilən qiymətləndirmə sistemi üzrə bunun ekvivalenti üzrə) təqdirdə sənədləri müsabiqədə iştirak üçün qəbul ediləcəkdir.
İlk dəfə ali təhsil almaq (bakalavr dərəcəsi) məqsədilə xarici ali təhsil müəssisəsinə özü daxil olan və TQDK imtahanlarında iştirak etməyən gənclərin, akademik göstəricilərini sübut edən beynəlxalq səviyyədə tanınan imtahan və ya olimpiada nəticələri (SAT, YÖS, qızıl/gümüş/bürünc medal qalibi və s.) olduğu təqdirdə sənədləri müsabiqədə iştirak üçün qəbul ediləcəkdir.
Dövlət Proqramı təqaüdçüləri dövlət dilini və seçilmiş xarici ali təhsil müəssisəsində tələb olunan tədris dilini bilməlidirlər. Xarici dil tələbləri barədə daha ətraflı.

Qeyd – Dövlət Proqramı çərçivəsində xarici ölkələrdə dil və ya hazırlıq (foundation) kursları maliyyələşdirilmir.

Ukraynanin 2 universitetində dövlət xəttiylə pulsuz təhsil almaq mümkündür.

1. Milli Aerokosmik Universitet - "Xarkov Aviasiya İnstitutu"

2. Taras Şevçenko adına Kiyev Dövlət Universiteti

Bakalavriat üzrə tələb olunan sənədlər

Thu, 01 Jan 1970 03:00:00 +0300

Bakalavriat - Tələb Olunan Sənədlər

Dövlət Proqramına sənədlərin qəbulu elektron ərizə vasitəsi ilə həyata keçirilir. Xahiş edirik elektron ərizəyə keçməmişdən əvvəl tələb olunan sənədlər ilə tanış olun.Elektron ərizəni doldurduğunuz zaman sizdən müvafiq sənədləri ərizəyə yükləmək tələb olunacaq.

Türk, rus və ingilis dilllərindən başqa digər dillərdə olan sənədlər tələbə tərəfindən tərcümə olunmalı və öz imzası ilə təsdiqlənərək təqdim olunmalıdır.

1. Xarici ali təhsil müəssisəsinə qəbul haqqında sənədin notarial qaydada təsdiq olunmuş surəti;

2. Müvafiq tədris dili imtahanının verilməsi üzrə müəyyən olunmuş rəsmi sertifikatın notarial qaydada təsdiq olunmuş surəti (TOEFL, IELTS və s.);

3. TQDK imtahanlarının nəticəsi (bal ərizədə qeyd olunmalıdır - arayış və ya təsdiqedici sənəd tələb olunmur);

4. Attestat və ya orta ixtisas diplomunun notarial qaydada təsdiq olunmuş surəti;

5. Hazırda ali məktəbdə təhsil alırsınızsa - təhsil aldığınız ali məktəbdən arayış və ən son transkript;

6. Təhsil aldığınız və ya işlədiyiniz yerdən 2 ədəd tövsiyə məktubu (imza və möhür ilə);

7. Ümumvətəndaş pasportunun fotoşəkil səhifəsinin notarial qaydada təsdiq olunmuş surəti;

8. Sağlamlıq haqqında arayış – AZS-086 nömrəli tibbi arayış;

9. CV və ya tərcümeyi-hal (istənilən formatda, sertifikat və təltifləriniz haqqında məlumatları da daxil edin (mövcud olduğu halda)).

Tələb olunan sənədlərə dair nümunələrlə bu keçiddən tanış ola bilərsiniz.

* 2015-ci ildə keçirilən imtahanlarda iştirak edən və ya yerli ali məktəbdə qeydiyyatdan keçməyən namizədlər imtahanın nəticələrinə dair arayışı sənədlərinə əlavə etməlidirlər.

Qeyd: Ümumi orta və ya orta ixtisas təhsilinə malik olanlar və Azərbaycan Respublikasının ali təhsil müəssisələrinin bakalavriat pilləsində təhsil alanlar ölkənin ali təhsil müəssisələrinin bakalavr pilləsinə tələbə qəbulu üzrə aparılan test imtahanları çərçivəsində texniki sahələr üzrə ən azı 550 bal, digər sahələr üzrə ən azı 600 bal toplamalıdırlar.

Elektron qaydada təqdim olunan sənədlərin əslini (və ya notarial qaydada təsdiq olunmuş surətini) müsahibə zamanı əlaqədar şəxsə təqdim etməlisiniz.

Nazirliyə təqdim olunacaq sənədlər geri qaytarılmır.

Magistratura üzrə Dövlət proqramı

Thu, 01 Jan 1970 03:00:00 +0300

Dövlət Proqramı dəstəyi ilə xaricdə təhsil almağa göstərdiyiniz marağa görə sizə təşəkkür edirik. Dövlət Proqramı çərçivəsində magistratura, rezidentura və ya doktorantura pilləsində təhsilinizin maliyyələşdirilməsi üçün xahiş edirik aşağıdakı seçim meyarları ilə tanış olun.

Diqqət! Yalnız xarici ali təhsil müəssisəsindən qəbul məktubu aldıqdan sonra Dövlət Proqramında iddiaçı şəklində iştirak edə bilərsiniz.

Dövlət Proqramı təqaüdçüləri bakalavr pilləsi üzrə 29, magistratura, doktorantura və rezidentura pillələri üzrə 35 yaşınadək olan Azərbaycan vətəndaşları sırasından seçilir;
Dövlət Proqramı təqaüdçüləri müraciət etdikləri təhsil səviyyəsi üzrə daha öncə Azərbaycanda dövlət sifarişi əsasında və ya Proqram çərçivəsində xaricdə təhsilini başa vurmamış iddiaçılar sırasından seçilir.
Dövlət Proqramı təqaüdçüləri Azərbaycan gənclərinin 2015/2016-cı tədris ilində xaricdə təhsil almaları məqsədilə seçilmiş ali təhsil müəssisəsələrinin birindən qəbul məktubu almış və ya hazırda təhsil alan iddiaçılar sırasından seçilir.
Dövlət Proqramı təqaüdçüləri yalnız prioritet ixtisas istiqamətləri üzrə müraciət edən iddiaçılar sırasından seçilir;
Artıq xaricdə təhsil alan iddiaçıların, Seçim Qaydalarının 2.1.6-cı bəndinə uyğun olaraq, təhsil aldıqları xarici ali təhsil müəssisəsində cari müvəffəqiyyət dərəcəsinin orta balı 5 ballıq sistem üzrə 4 bal və ya bundan yuxarı olduğu (və ya təhsil aldığı ali təhsil müəssisəsində tətbiq edilən qiymətləndirmə sistemi üzrə bunun ekvivalenti üzrə) təqdirdə sənədləri müsabiqədə iştirak üçün qəbul ediləcəkdir.
Bakalavriatdan sonrakı təhsil səviyyələri üzrə müraciət edən iddiaçıların xaricdə oxumaq üçün seçdiyi ixtisas, mövcud Seçim Qaydalarının 3.1.6-cı bəndinə uyğun olaraq, onun ali təhsil haqqında diplom üzrə ixtisasına uyğun olmalıdır.
Dövlət Proqramı təqaüdçüləri dövlət dilini və seçilmiş xarici ali təhsil müəssisəsində tələb olunan tədris dilini bilməlidirlər. Xarici dil tələbləri barədə daha ətraflı.

Qeyd – Dövlət Proqramı çərçivəsində xarici ölkələrdə dil və ya hazırlıq (foundation) kursları maliyyələşdirilmir.

Magistratura üzrə tələb olunan sənədlər

Thu, 01 Jan 1970 03:00:00 +0300

Dövlət Proqramına sənədlərin qəbulu elektron ərizə vasitəsi ilə həyata keçirilir. Xahiş edirik elektron ərizəyə keçməmişdən əvvəl tələb olunan sənədlər ilə tanış olun. Elektron ərizəni doldurduğunuz zaman sizdən müvafiq sənədləri ərizəyə yükləmək tələb olunacaq.

Türk, rus və ingilis dilllərindən başqa digər dillərdə olan sənədlər tələbə tərəfindən tərcümə olunmalı və öz imzası ilə təsdiqlənərək təqdim olunmalıdır.

1. Xarici ali təhsil müəssisəsinə qəbul haqqında sənədin notarial qaydada təsdiq olunmuş surəti;

2. Müvafiq tədris dili imtahanının verilməsi üzrə müəyyən olunmuş rəsmi sertifikatın notarial qaydada təsdiq olunmuş surəti (TOEFL, IELTS və s.);

3. TQDKimtahanlarının nəticəsi (bal ərizədə qeyd olunmalıdır - arayış və ya təsdiqedici sənəd tələb olunmur);

4. Ali məktəbi bitirməyinizi təsdiq edən sənəd (diplom) və ya arayışla yanaşı əlavəsinin (transkript) notarial qaydada təsdiq olunmuş surəti;

5. Hazırda ali məktəbdə təhsil alırsınızsa - təhsil aldığınız ali məktəbdən arayış və ən son transkript;

6. Təhsil aldığınız və ya işlədiyiniz yerdən 2 ədəd tövsiyə məktubu (imza və möhür ilə);

7. Ümumvətəndaş pasportunun fotoşəkil səhifəsinin notarial qaydada təsdiq olunmuş surəti;

8. Hərbi bilet və ya hərbi xidmətdən möhlət haqqında sənədin notarial qaydada təsdiq olunmuş surəti;

9. Sağlamlıq haqqında arayış – AZS-086 nömrəli tibbi arayış;

10. CV və ya tərcümeyi-hal (istənilən formatda, sertifikat və təltifləriniz haqqında məlumatları da daxil edin (mövcud olduğu halda)).

* Xarici ali təhsil müəssisələrindən əldə olunan diplomlar müvafiq qaydalara uyğun olaraq nostrifikasiya olunmalıdır.

Ətraflı məlumatı http://www.nostrifikasiya.edu.az/ ünvanından əldə edə bilərsiniz.

Elektron qaydada təqdim olunan sənədlərin əslini (və ya notarial qaydada təsdiq olunmuş surətini) müsahibə zamanı əlaqədar şəxsə təqdim etməlisiniz.

*Yalnız Azərbaycan ali təhsil müəssisələrində təhsillərini tamamlamış namizədlər diplom əvəzinə məzun olduqlarına dair arayışla müraciət edə bilərlər.

Nazirliyə təqdim olunacaq sənədlər geri qaytarılmır.

Xaricdə necə təhsil ala bilərəm?

Thu, 01 Jan 1970 03:00:00 +0300

Ukrayna universitetlərində təhsil bu günkü gündə asant və sərfəlidir.

Əyani və ya qiyabi formada öz təhsilinizi istənilən Ukrayna universitetində davam etdirə bilərsiz.

Bütün Ukrayna dövlət universitetlərinin diplomları Azərbaycanda tanınır. Təhsil rus və ya ingilis dilində aparılır.

Universitetlərə qəbul olmaq üçün lazımı sənədləri toplayıb bizə müraciət edə bilərsiz.

Bakalavr səviyyəsi üçün qəbul sənədləri

Xarici pasport ( Ukrayna dilinə tərcümə natarius təsdiqi ilə )
Doğum haqqında şəhədətnamə ( Ukrayna dilinə tərcümə natarius təsdiqi ilə )
Attestat ( Ukrayna dilinə tərcümə natarius təsdiqi ilə )
Tibb arayışı forma-86 ( Ukrayna dilinə tərcümə)
Sertifat test HİV/AİDS
Şəkil 3x4 12ədəd

Magistr səviyyəsi üçün qəbul sənədləri

Xarici pasport ( Ukrayna dilinə tərcümə natarius təsdiqi ilə )
Doğum haqqında şəhədətnamə( Ukrayna dilinə tərcümə natarius təsdiqi ilə )
Diplom və qiymət cədvəli ( Ukrayna dilinə tərcümə natarius təsdiqi ilə )
Tibb arayışı forma-86 ( Ukrayna dilinə tərcümə)
Sertifat test HİV/AİDS
Şəkil 3x4 12ədəd

Açar sözlər: ali məktəbə xarici vətandaşın qəbulu vaxtı lazım olan sənədlər, ukraynada təhsil, ukraynada tehsil, xaricdə təhsil, xarici universitetlər, ukrayna universitetlərinə lazım olan sənədlər

2-ci tur universitlərə qəbul

Thu, 01 Jan 1970 03:00:00 +0300

Ukraynanın bəzi universitetlərində ikinci tur üçün sənəd qəbulu başlayıb.
Əgər siz təhsilinizi bakalavr və ya magistr səviyyəsi üzrə davam etdirmək istəyirsizsə qiyabi və ya əyani formada bu mümkündü. Yanvar ayının əvvəlinə kimi sənəd qəbul olunur. Qəbul üçün sadəcə atestat və xarici pasportunuzun skan variantını bizə göndərməyiniz kifayətdir.
Yanvar ayına kimi sənədlər qəbul olunub, qrupun açılıb açılmayacağına qərar veriləcək. Əsasən də bu magistr səviyyəsində təhsil alacaq tələbələrə aitdir. Dərslər universitetdən aslı olaraq fərqli vaxtlarda başlayacaq. Fevral və ya mart ayında 1-ci sesya başlayır.

2-ci tur qəbul 2019-2020 tədris ili

Thu, 01 Jan 1970 03:00:00 +0300

2019-2020 ci tədris ili üçün sənəd vermək istəyən tələbələrin nəzərinə!!!

Ukraynanın aşağıda adı qeyd olunan universitetləri ikinci tur qəbul üçün sənəd qəbuluna başlayıb.
Qeyd edək ki yerlər məhdud saydadır.
Qəbul üçün xarici pasport və attestatın scan variantını bizə göndərməyiniz yetərlidir.
Yanvar ayına kimi sənəd qəbulu aparılır.

Dövlət mülki müdafiə universiteti ( Fövqəladə hallar universiteti ) ( FHN )

Xarkov milli daxili işlər universiteti ( Polis akademiyası )

Pyotr Vasilenko adına Xarkov milli texniki universiteti kənd təsərrüfatı

Jukovskoqo adına Milli Aerokosmik Universiteti

Ivan Kozhedub adına Xarkiv Milli Hava Qüvvələri Universiteti

Milli texniki universiteti "Xarkov Politexnik institutu"

Ümumvətəndaş pasportlarının verilməsi və dəyişdirilməsi

Thu, 01 Jan 1970 03:00:00 +0300

Zəruri olan sənədlərin siyahısı
vətəndaşın şəxsiyyət vəsiqəsi;
dövlət rüsumunun ödənilməsi barədə sənəd;
18 yaşına çatmamış uşaqların valideynlərinin və ya qanuni nümayəndələrinin razılığı, həmçinin müraciət edən valideynlərin və ya qanuni nümayəndələrin şəxsiyyət vəsiqələri;
18-35 yaş hədlərində hərbi mükəlləfiyyətdən azad edilmə barədə hərbi biletin surəti və ya möhlət hüququ verilməsi qeydi ilə bağlı çağırış məntəqəsinə təhkim edilmə haqqında vəsiqənin surəti (əsli ilə birlikdə).

Dövlət rüsumunun məbləği
on səkkiz yaşınadək uşaqlar üçün
*10 iş gününə - 30 manat;
*5 iş gününə - 60 manat;
*1 iş gününə - 120 manat.

on səkkiz yaşına çatmış vətəndaşlara
*10 iş gününə - 40 manat;
*5 iş gününə - 80 manat;
*1 iş gününə - 160 manat.